Орта буын оқушыларына Бейімбет Майлин ауданының полиция қызметкерлерімен профилактикалық кездесу өтті. Кездесуге Бейімбет Майлин ауданы ПБ жергілікті полиция қызметі бөлімшесінің бастығы, полиция майоры Байзақов Т.Ж., ювеналды полиция тобының аға учаскелік полиция инспекторы, полиция аға лейтенанты Мұхитова А.О. және жедел уәкіл, полиция капитаны Каримов К.К. қатысты.
Кездесудің негізгі тақырыбы – кәмелетке толмағандардың әкімшілік және қылмыстық жауапкершілігі болды. Полицейлер оқушыларға қандай құқықбұзушылықтар ауыр салдарға әкелуі мүмкін екенін және заңнамада қандай жазалау шаралары қарастырылғанын егжей-тегжейлі түсіндірді.
Ерекше назар буллинг және кибербуллинг мәселелеріне аударылды. Оқушыларға қандай әрекеттер заң бұзушылық болып саналатыны, бұл үшін жасөспірімдер қандай жауапкершілікке тартылуы мүмкін екендігі және мұндай жағдайларда өзін қалай қорғауға болатыны айтылды.
Оқушылар белсенді түрде талқылауға қатысып, сұрақтар қойып, қауіпсіз және заңға сай тәртіп туралы маңызды ұсыныстар алды. Полиция қызметкерлеріне өсіп келе жатқан ұрпаққа құқықтық тәрбие беруге қосқан үлесі үшін алғыс айтамыз!
