Тәуелсіздік жылдарында Қазақстанда жауынгерлік қабілеті жоғары әскер жасақталды, Қазақстан Республикасының Қарулы Күштері заманауи техникамен жарақтандырылды, әскери кадрлардың сапасы жақсаруда, әскери қызметкерлердің әлеуметтік мәселелері шешілуде, оқу-жаттығулар жүйелі түрде өткізіліп, оның барысында әскеріміз жоғары кәсіби дайындықты, іс-қимылдың үйлесімділігін және тамаша жауынгерлік даярлығын көрсетуде.
Әскери қызметшінің жолын бастан өткерген немесе өтіп жатқан бозбалаларымызға әрқашан қуанамыз. Бұл құрметке лайық.
Мектебіміздің түлегі Курбанисмаилов Сергей қазіргі таңда Семей қаласында артиллериялық әскер құрамында қызмет етуде. Қазіргі уақытта ол Астана қаласында өтіп жатқан Ұлы Жеңістің 80 жылдығына арналған шерудің дайындығына қатысып жатыр (видеода алдыңғы қатарда тұр).
Стопкин Данил қазіргі кезде Алматы облысы Қапшағай қаласындағы десанттық-шабуылдаушы бригадада, ал Соснин Глеб Ақтау қаласындағы теңіз жаяу әскері қатарында қызмет атқарып жүр.
Осындай ержүрек, батыл, мықты жігіттерге біз шын жүректен табыс, өмір жолында сәттілік және қызметте тез өрлеу тілейміз!
