Кездесудің мақсаты — тәжірибе алмасу және әріптесінің жұмыс әдістерімен танысу болды.
Тәрбиеші Баймухамбетова мектепке дейінгі балалардың тілін дамыту және оларды қазақ тіліне үйрету үшін қолданатын қызықты дидактикалық материалдарын көрсетті. Әсіресе көз тартарлық көрнекі құралдар мен ақпаратты ойын түрінде жеткізу әдістері ерекше әсер қалдырды.
Сабақтан кейін қазақ тілі пәнінің мұғалімі К. М. Даулбаева өз тарапынан шағын кеңес берді: балалардың жаңа сөздер мен тіркестерді жылдам есте сақтауына көмектесетін әндер, қысқа тақпақтар мен ұйқастарды жиі қолдануға кеңес берді. Сонымен қатар, қазақ тіліне тән дыбыстарды дұрыс айту үшін дыбыстық жаттығуларды да сабаққа қосу маңызды екенін атап өтті.
Педагогтар кездесуден үлкен әсер алды және мұндай кәсіби қарым-қатынастың маңыздылығын атап өтті. Бұл секілді шаралар өзара ынтымақтастықты нығайтып, оқыту сапасын арттыруға ықпал етеді.
