24 сәуірде Қостанай облысы әкімдігінің білім басқармасының "Әдістемелік орталығы" КММ ұйымдастырған "Біртұтас тәрбие" бағдарламасын қорғау шарасына Бейімбет Майлин ауданы білім бөлімінің аудандық әдістемелік кабинетінің әдіскері Нугманов А.Д. және мектебіміздің тәрбие ісі жөніндегі орынбасары Каблашев К.К. қатысты.
Іс-шара кейс-сессия форматында өтті. Онда облыстың әртүрлі аудандарынан келген қатысушылар "Біртұтас тәрбие" бағдарламасын енгізу мен жүзеге асыру үлгілерін таныстырды. Бейімбет Майлин ауданы атынан білім беру ұйымдарында "Біртұтас тәрбие" тәсілдерін практикалық қолдану тәжірибесі ұсынылды. Сонымен қатар, бірыңғай тәрбиелік кеңістікті қалыптастыруға бағытталған тиімді құралдар мен әдістер көрсетілді.
Жүргізілген жұмыстардың нәтижелерімен бөлісіп, тәрбие бастамаларын іске асыру барысында туындайтын өзекті мәселелер бойынша пікір алмасты.
