Даулбаева Камшат Муссаевна — «Май ЖББМ» КММ-нің қазақ тілі мен әдебиеті пәнінің мұғалімі, өз өмірін өскелең ұрпақты оқыту мен тәрбиелеуге арнаған ұстаз. Оның кәсібилігі, шеберлігі мен ана тіліне деген шынайы сүйіспеншілігінің арқасында оқушылар қазақ әдебиетін қызығушылықпен оқып, байқаулар мен олимпиадаларға белсене қатысып, шығармашылық қабілеттерін көрсетуде.
Оның сабақтары мазмұн тереңдігімен, заманауи әдіс-тәсілдердің тиімді қолданылуымен және жылы, сенімді атмосферасымен ерекшеленеді. Камшат Муссаевна тек білім беріп қана қоймай, оқушылар бойында патриоттық сезімді, өз халқының мәдениеті мен тіліне деген құрметті қалыптастырады. Сонымен қатар, аудандық семинарларға белсенді қатысып, әріптестерімен тәжірибе алмасып, жас мамандарға шабыт береді. Оның кәсіби шеберлігі мен шығармашылық ізденістері педагогикалық шеберлік байқауларында бірнеше мәрте жоғары бағаланды.
Әрбір сөз сөйлеуі — әдістемелік тереңдік пен ана тіліне деген сүйіспеншілік, шәкірттеріне деген құрметтің жарқын үлгісі. Бұл — тек білім беретін емес, ана тілі мен әдебиетіне деген мақтаныш сезімін ұялататын нағыз Ұстаз!
