Бүгін мектебімізде Қазақстан халқының бірлігі күніне және Қазақстан халқы Ассамблеясының 30 жылдығына арналған мерекелік концерт өтті!
Бұл күн бізге ең басты құндылықтарды – достықты, өзара құрмет пен ынтымақты еске салады.
Көпұлтты Қазақстан мемлекетінде 130-дан астам ұлт өкілдері тату-тәтті өмір сүруде және әр ұлт өз мәдениетімен, салт-дәстүрімен еліміздің дамуына үлес қосып келеді.
30 жыл бойы Қазақстан халқы Ассамблеясы әртүрлі мәдениет пен дәстүр иелерін бір шаңырақ астына біріктіріп, ел ішіндегі бейбітшілік пен келісімді нығайтып келеді.
Бүгінгі концерт – нағыз достық пен бірліктің мерекесі болды! Оқушылар мен ұстаздар ән салып, би билеп, жүрекжарды тілектерін білдірді.
Біз бірлікті ту еткен елде өмір сүріп жатқанымызды мақтан етеміз!
Мереке құтты болсын, достар!
Әрбір шаңырақта бейбітшілік, келісім мен Отанға деген махаббат болсын!
