Тарихымыздың ауыр кезеңдерін ұмытпай, келешек ұрпаққа жеткізу және саяси қуғын-сүргін құрбаны болған ауылдастарымыздың рухына тағзым ету мақсатында 7-сынып оқушыларына арналған «Ауыр тағдырлардың тарихын сақтау жолындағы ақпараттық технологиялар» атты еске алу сабағы өткізілді. Іс-шара Май ауылдық кітапханасында өтті.
Оқушыларға саяси қуғын-сүргін туралы жалпы түсінік берілді. Сонымен қатар, бұл зұлматтың Бейімбет Майлиннің тағдырына қалай әсер еткені айтылды. Кітапханашы С. Н. Король «Тағдырдың трагедиялық беттері» атты құжаттама-папканы таныстырды. Онда саяси қуғын-сүргінге ұшыраған ауылдастарымыздың естеліктері жинақталған. Сонымен бірге, әртүрлі жылдары жазылған мақалаларды сақтау мақсатында жасалған электронды каталог және өлкетанулық толықмәтінді дерекқор да таныстырылды. Бұл мәліметтер сол кезеңнің тарихи шындығын ұмытпай, келешек ұрпаққа жеткізуге мүмкіндік береді.
