28 қазан күні Май жалпы білім беретін мектебінің әкімшілігі мен Май ауылдық округі әкімі аппаратының қызметкерлері әлеуметтік осал және қиын өмірлік жағдайдағы отбасыларға барып қайтты.
🔹 Бару барысында кәмелетке толмаған балалардың тұрмыстық жағдайы қаралды, отбасылардың қазіргі ахуалы талданды, сондай-ақ ата-аналармен балаларға қауіпсіз және қолайлы орта қалыптастыру жөнінде профилактикалық әңгімелер жүргізілді.
📝 Жұмыс қорытындысы бойынша отбасылардың негізгі қажеттіліктері анықталып, бала тәрбиесі мен олардың әл-ауқатын қамтамасыз ету мәселелері бойынша ұсынымдар берілді.
Аталған бағыттағы жүйелі жұмыс әрбір баланың қамқорлық пен қолдауды сезінуіне, ал ата-аналардың өз балаларының амандығы үшін жауапкершілікті терең түсінуіне бағытталған.
