14 қараша күні Бейімбет Майлин атындағы аудандық орталық кітапханада жыл сайын өтетін «Майлин оқулары» прозалық шығармаларды мәнерлеп оқу аудандық байқауы өтті. Байқауға ауданның 7–10-сыныптарынан 17 оқушы қатысты. Май ауылдық кітапханасынан 8 «А» сыныбының оқушылары — Ганкевич Виолетта мен Митин Савелий, сондай-ақ 7 «Б» сыныбының оқушысы — Галстян Каринэ өнер көрсетті.
Байқау қорытындысы бойынша Каринэ Галстян І орынды иеленді! Жеңімпазға «Алғыс хат» және музыкалық колонка сыйға берілді.
Ганкевич Виолета мен Митин Савелийдің өнерін қазылар алқасы жоғары деңгейде бағалады. Олар алғыс хаттар мен естелік сыйлықтар алды.
Оқушыларымызды байқауға дайындағаны үшін Король С.Н.-ға алғысымызды білдіреміз.
