Бүгін ҚГБ пәндері декадасы аясында 5 «А» сыныбында дүниежүзі тарихы пәнінен «Хаммурапи патша Вавилонды қалай қуатты империяға айналдырды?» тақырыбында ашық сабақ өтті. Сабақты жас маман Ертаргинов Д.С. жүргізді.
Сабақ барысында оқушылар мұғалімнің түсіндірмелерімен бірге Ежелгі Вавилон туралы фильмнің үзінділерін тамашалады, жұмыс парақтарымен жұмыс жасап, топтық тапсырмаларды орындады және тарихи деректерді сәйкестендіруге арналған шағын ойында белсенді қатысты. Сабақтың тақырыбы апталықтың дәйек сөзімен байланысты болды, оқушылар тапсырмаларды орындау кезінде сол дәйек сөзге назар аударды.
Сабақ сабырлы әрі жұмыс атмосферасында өтті: оқушылар тақырыпқа қызығушылық танытып, талқылауға белсенді қатысты.
