"Біртұтас тәрбие" бірыңғай тәрбие бағдарламасын іске асыру аясында, тәуелсіздік және патриотизм айының құндылықтарын дамыту шеңберінде, Мемлекеттік тілді насихаттау және пәндік апталар жоспарын орындау мақсатында 15 қазанда қазақ тілі мен әдебиеті пәнінің мұғалімі Дуамбекова Г.К. 10-11 сынып оқушылары арасында «Миллион кімге бұйырады?» интеллектуалдық-шоу бағдарламасының желісі бойынша сыныптан тыс танымдық ойынын өткізді. Ойын ережесі бойынша алғашқы айналымдағы викториналық сұрақтар бойынша 10-11 сынып оқушылар арасынан негізгі ойынға қатысушылар анықталды. Олар: Хвостенко Егор, Роот Валерия, Чучкалов Кирилл, Каверзина Ольга мен Бойко Злата. Ал қалған оқушылар көрермендер мен жанкүйерлер ретінде қатысты. Ойын қорытындысы бойынша 11 сыныптың оқушысы Каверзина Ольга жеңіске жетті. Ойынға қатысқан оқушылар сертификатпен және орысша-қазақша тілашар кітапшалармен марапатталды..
