8 қаңтар күні «Адал Азамат» бағдарламасы және «Еңбегі адал жас өрен» жобасы аясында мектебіміздің 9-сынып оқушылары Ы. Алтынсарин атындағы Рудный әлеуметтік-гуманитарлық колледжінде өткен Ашық есік күніне қатысты.
🎯 Сапардың мақсаты — оқушыларды педагогикалық мамандықтармен таныстыру және білім беру саласындағы болашақ кәсіби қызметті саналы таңдауға қызығушылық қалыптастыру.
Іс-шара барысында оқушылар:
✔️ мамандықтар мен оқуға түсу шарттары туралы толық ақпарат алды;
✔️ интерактивті сабақтар мен шеберлік сыныптарына қатысты;
✔️ би марафонына, спорттық ойындар мен квизге белсенді қатысты;
✔️ колледждің жатақханасын, оқу кабинеттері мен шеберханаларын аралады.
Колледжде бір күн өткізген 9-сынып оқушылары өздерін болашақ студент ретінде сезініп, педагог мамандығы туралы түсініктерін кеңейтті және кәсіби бағдарлану жолында маңызды қадам жасады.
✨ Қонақжайлылықпен қарсы алып, мазмұнды әрі қызықты бағдарлама ұсынған колледж ұжымына алғыс білдіреміз!
