🍽 Порциялардың белгіленген нормаларға сәйкестігін мониторингтеу
Мектеп асханасында дайындалған тағам порцияларының белгіленген тамақтану нормаларына сәйкестігін анықтау мақсатында мониторинг жүргізілді.
Комиссия құрамына мектеп басшысы, әлеуметтік педагог, ата-аналар комитетінің төрағасы және медицина қызметкері кірді.
Мониторинг барысында комиссия дайын тағамдар мен гарнирлердің салмағын өлшеп, олардың бекітілген грамм мөлшеріне сәйкестігін анықтады. Сонымен қатар тағамдардың сыртқы көрінісі мен ұсынылу температурасына да баға берілді.
Осындай іс-шаралар білім алушыларды толыққанды әрі теңгерімді тамақтанумен қамтамасыз етуге бағытталған.
